हामी सबैकाे संसारन्यूज

७ चैत, काठमाडौ । होली मैथिली सभ्यताको अभिन्न र महत्वपुर्ण अङ्ग हो । मिथिला नगरी जनकपुरधाममा यस पर्वलाइ विषेश महत्वका साथ मनाइन्छ । पहाडमा पहिलो दिन मनाइएको होली तराईमा दोस्रोे दिन मनाइन्छ भने जनकपुरधाममा तेस्रो दिन मात्रै मनाइन्छ ।

पहाडले लालीगुँरास सँगै रंगहरुको होली खेल्दा जनकपुरले भने महामुर्ख सम्मेलन गर्दै थियो । हाँस्य रस मीश्रीत उक्त प्रतियोगीता बाट महामुर्ख हुन पाउने भाग्यमानी यसवर्षका लागि जनकपुरधाम उपमहानगरकै नगरपीता लालकीशोर शाह रहेका छन् । उक्त पद्वीबाट विभुषित हुन मिथिलाका थुप्रै विद्धान, राजनितीज्ञ, समाजसेवी, वकील र पत्रकारहरु लालायीत हुन्छन् । यसपाली यी सबैलाई पछि पार्दै नगरपीता शाह महामुर्ख बनेका छन् । समाजमा विशेष देन दिएका लब्ध प्रतिष्ठीतहरुबाट चुनिने महामुर्ख मिथिला समाजको सम्मानीत पद्वी मानिन्छ ।

महामुर्ख सम्मेलनले महामुख मात्रै घोषणा गर्दैन । उक्त सम्मेलनले मुर्ख, बोतलान्द लगायतका पदवीको समेत घोषणा गर्दछ । उक्त सम्मेलन बाट रामचन्द्र मण्डल मुर्ख घोषीत भएका छन् । वेदानन्द परमेश्वर शाह र मेघनाथ यादव क्रमश जपुर शंख र बज्रकृत पदवीबाट विभुषित भएका छन् ।
यसबाहेक रोशन जनकपुरी, दयानन्द र मनोज चौधरी बोतलानन्द पदवीबाट विभुषित भएका छन् ।