Sansar News
सोसियल मिडिया फेसबुकमा संसारका मानिसहरुले एकवर्षमा सबैभन्दा बढी शेयर राजनीतिमा गरेका छन् भने सबैभन्दा बढी स्टाटस पोष्ट, लाइक तथा कमेन्ट गर्भपतन सम्बन्धी रहेको एक अध्ययनले देखाएको छ ।
न्युज ह्विपको अध्ययनका अनुसार १ सय पोस्टमा सबैभन्दा बढी ३६ वटा स्टाटस राजनीति सम्बन्धी रहेको छ भने त्यसमा सबैभन्दा कम अर्थशास्त्रका बारेमा अपटेड गरिएको पाइएको छ ।
त्यस्तै अध्ययनमा अन्य विषयमा हार्ड/जनरलको विषयमा ८ पोस्ट, विज्ञानका विषयमा १० पोस्ट रहेको देखिएको छ । साथै प्रयोगकर्ताहरुले राजनीतिक स्टाटसमा धेरै आक्रोश व्यक्त गरेको देखिन्छ ।
त्यस्तै प्रयोगकर्ताहरुले गएको एकवर्षमा धेरै कमेन्ट भएको पोस्ट सीबीएन कमको थियो । जसमा १० लाख भन्दा बढी कमेन्ट गरिएको थियो । यो न्यूर्याेकमा गर्भपतन बैधानिक बनाउने विषयमा जोडिएको थियो । वर्षको सबैभन्दा बढी सेयर गरिएको खबर मानव तस्करीसँग जोडिएको छ ।
त्यस्तै प्लेटफर्ममा धेरै सेयर गरिएको एक विषय ‘मो मो गेम’ थियो । जसले डरको भावना बढाइरहेको छ । अध्ययनमा देखिएको छ कि सबैभन्दा शेयर कमेन्ट गरिएको स्टोरी प्रयोगकर्तालाई आक्रोश बनाउने थियो ।
वि.सं.२०७५ चैत ७ बिहीवार १४:५१ मा प्रकाशित
