हामी सबैकाे संसारन्यूज

६ चैत्र, काठमाडौ । नेपाली सेनाले विगत केही दिनदेखि सैनिक श्रोतको हवला दिँदै सञ्चारमाध्यममा आएका टिकाटिप्पणीप्रति ध्यानाकर्षण भएको जनाएको छ । नेपाली सेनाको जनसम्र्क तथा सचूना निर्देशनालय जङ्गी अड्डाले प्रेस विज्ञप्ती जारी गर्दै आधिकारीक श्रोतले दिएको औपचारिक सूचना बाहेक केही सञ्चार माध्यमहरुले नेपाली सेना सम्बन्धी गरेका विभिन्न टिकाटिप्पणी भ्रामक र कपोलकल्पित भएको भन्दै त्यस्ता समाचारप्रति सेनाको ध्यानाकर्षण भएको जनाएको हो ।

विज्ञप्तीमा ‘वर्तमान अवस्थामा नेपाली सेना आफ्नो पूर्व निर्धारित तालिम, सैनिक अभ्यास तथा स्वास्थ्य शिविरलगायतका नियमित कार्यहरुमा केन्द्रित भएको जनाउँदै त्यस्ता समाचारहरुबाट भ्रममा नपर्न आग्रह गर्दछ’, भनिएको छ ।

साथै नेपाली सेना नेपालको संविधान, सैनिक ऐन र नेपाल सरकारको नीति तथा निर्देशन अनुसार सञ्चालन हुने संस्था भएकोले नेपाली सेना आफ्नो जिम्मेवारी प्रति सजग रहेको उल्लेख गर्दै सोही आधारभूत मान्यतामा नेपाली सेना सदैव अडिग रहेको विज्ञप्तीमा बताइएको छ ।