हामी सबैकाे संसारन्यूज

८ चैत, सर्लाही । सर्लाहीको चन्द्रनगर गाउँपालिका १ किसनपुरमा रहेको जनता माध्यमिक विद्यालयका पूर्वप्रध्यानाध्यापक महेसी महतो विद्यार्थीबाट रकम उठाएर बेपत्ता भएका छन् ।
विद्यालयका पूर्वप्रअ महतो एसईई दिने ३८ जना विद्यार्थीबाट ५५० रुपीयाँका दरले शुल्क उठाइ बेपत्ता भएका हुन् । पूर्वप्रअ महतोको लापरबाहीका कारण परीक्षा आउन तीन दिन मात्रै बाँकी हुँदा समेत विद्यार्थीको हातमा प्रवेशपत्र परेको छैन् ।

परीक्षाको समयमा पनि आफूहरुले विभिन्न झन्झट सहनुपरेको विद्यार्थी आलोककुमार ठाकुरले गुनासो गर्नुभयो । अहिलेसम्म सबै पुस्तक पनि पाएका छैनौँ, तीन चारवटा पुस्तकको भरमा परीक्षाको तयारी गर्नुपरेको छ, ठाकुरले भन्नुभयो, पूर्वअकै कारण हाम्रो भविष्यमाथि खेलवाड भएको छ ।
विद्यालयका बर्तमान प्रध्यानाध्यापक श्याम महतोले भने तत्काल विद्यालयले नै विद्यार्थीको शुल्क बुझाएर परीक्षा दिने व्यवस्था मिलाएको बताउनुभयो । शुक्रबारको गोरखापत्र दैनिकबाट ।