हामी सबैकाे संसारन्यूज

८ चैत्र । साफ महिला च्याम्पियनसीपको उपाधि उचाल्ने नेपालको सपना फेरि एक पटक अधुरै रहेको छ । विराटनगरको शहिद रंगशालामा भैएको  महिला च्याम्पियनको आजको फाइनल खेलमा नेपाल उपबिजेतामै सिमित रहन पुगेको हो ।

खेलमा ३ गोल खाएर उपबिजेतामै चित्त बुझाउन परेको हो । भारतले २३ मिनेटमा गरेको पहिलो गोलको जवाफमा नेपाली खेलाडी सावित्रा भण्डारीले १ गोल फर्काएर खेलमा बराबरी नतिजा निकालेकी थिइन । तर, दोस्रो हाफमा नेपालको प्रदर्शन राम्रो हुन सकेन । भारतले ६३ मिनेटमा दोस्रो पटक अग्रता लिएको थियो। भारतकी ग्रेस दाङ्मेले ओपन पोस्टमा सहज गोल गरेकी थिइन्। ७८ मिनेटमा भारतले तेस्रो गोल गरेको थियो।

आजको फाइनलमा नेपाललाई ३– १ गोल अन्तरले हराउँदै भारतले पाँचौं पटक उपाधि जितेको हो । भारतसँग फाइनलमा नेपालको यो चौथो हार हो । नेपाल भने लगातार चार पटक फाइनलमा पुगेर पनि उपाधिविहिन बनेको छ। सुरुवाती तीन संस्करणमा नेपाललाई फाइनलमा भारतले हराएको थियो। अघिल्लो संस्करणको सेमिमफाइनलमा पनि नेपाललाई भारतले पराजित गरेको थियो।