हामी सबैकाे संसारन्यूज

९ चैत, काठमाडौं । नेपाल राष्ट्र बैंकका अनुसार ज्योति विकास बैकलाई हाम्रो विकास बैंक प्राप्ति (एक्विजीशन) भएको छ ।

ख बर्गको वित्तिय संस्था अर्थात् विकास बैंक मध्ये अग्रणी स्थानमा रहेको ज्योति विकास बैंक हाम्रो विकास बैंक प्राप्तिका लागि प्रक्रियामा रहेको थियो ।

नेपाल राष्ट्र बैंक, बैंक तथा वित्तिय संस्था नियमन विभागका अनुसार नेपाल राष्ट्र बैंकको संचालक समितिले हाम्रो विकास बैंकको सम्पूर्ण दायित्व ज्योतिमा रहने गरी निर्णय गरेको छ ।
२०७५ चैत्र १५ गते देखि ज्योति विकास बैंकको नाउँबाट एकिकृत कारोबार संचालन गराउने भन्दै केन्द्रीय बैंकले बैंक तथा ‘वित्तिय संस्था एकाआपसमा गाभ्ने/गाभिने (मर्जर) तथा प्राप्ति (एक्विजीशन) सम्बन्धी विनियमावली २०७३’ को विनिमय ११ को उप विनिमय (७) बमोजिम सर्वसाधारणको जानकारीका लागि सूचना सम्प्रेषण गरेको छ ।