हामी सबैकाे संसारन्यूज

१२ चैत, काठमाडौ । सनराइज बैंक लिमिटेडले चैत २० गतेबाट ऋणपत्र जारी गर्ने भएको छ । बैंकले १० लाख कित्ता ऋण पत्र जारी गर्न लागेको हो ।
ऋण पत्र ५ वर्षमा म्याचुअर बन्ने छ । उक्त ऋण पत्रको ‘ १० प्रतिशत सनराइज डिवेन्चर २०८०’ नामकरण गरिएको छ ।

बैंकले जारी गर्ने १ अर्ब रुपीयाँ बराबरको ऋण पत्र मध्ये ४० प्रतिशत कित्ता ऋण पत्र सर्वसाधारणका लागि छुट्याइएको छ ।
बैंकका अनुसार प्रति कित्ता ऋण पत्रको मुल्य १ हजार अंकीत गरीएको छ । दश प्रतिशत व्याज पाइने उक्त ऋण पत्रको विक्रि प्रबन्धक प्रभु क्यापीटल रहेको छ । लगानी गर्न इच्छुकले बैशाख १९ गते सम्म उक्त ऋणपत्रमा आवेदन दिन सक्नेछन् ।