हामी सबैकाे संसारन्यूज

१२ चैत, काठमाडौ । भारतमा हुन लागेको लोकसभा निर्वाचनमा भारतीय जनता पार्टीले दार्जिलिंग क्षेत्रबाट एकजना नेपाली मुलका भारतीय राजु बिष्टलाई उमेदवार बनाएको छ ।

यसअघि सत्तारुढ दल भाजपाले गैर दार्जिलिंगे एसवन्त सिंन्हा र एसएस आलुवलीया लाई उक्त क्षेत्रबाट उमेदवार बनाएको थियो । भाजपाको गढ मानिने उक्त निर्वाचन क्षेत्रमा गैर दार्जिलिंगेले नै निर्वाचन जित्दै आएका थिए । यस पटक पनि भाजपाले आलुवलीयालाई उमेदवार बनाउन चाहेको थियो तर दार्जिलिंग बासीको व्यापक बिरोध पछि भाजपाले स्थानीय नेपाली भाषी बिष्टलाई उमेदवार बनाएको हो ।

स्वयं सेवक संघ निकट मानिने सुर्या फाउन्डेन्सन नामक संस्थाका प्रबन्ध निर्देशक विष्ट भारतीय लोकसभा उमेदवारहरु मध्ये कान्छा उमेदवार समेत रहेको भारतीय मीडियाले जनाएका छन् ।

भारतीय राजधानी दिल्लीको पन्जावी बागका स्थायी बासीन्दा विष्ट दार्जिलिंगमा अत्यन्तै लोकप्रिय रहेको बताइएको छ । (विभिन्न अन्तराष्ट्रिय मीडियाको सहयोगमा तयार पारिएको समाचार सामाग्री । )