हामी सबैकाे संसारन्यूज

१४ चैत, काठमाडौ । राष्ट्रपति विद्यादेवी भण्डारी, ऊर्जामन्त्री वर्षमान पुन, नेपाल विद्युत् प्रधिकरणका प्रबन्ध निर्देशक कुलमान घिसिङलगायतले विद्युतीय सवारी चढ्ने गरेका छन् मन्त्री पुनले टोयटाको पेट्रोल गाडी छोडेर चिनियाँ ब्रान्डको बीवाईडी ई सिक्स मोडलको कार चढ्न थालेको महिनौ भयो । उनीपछि राष्ट्रपति भण्डारी पनि ६६ लाख रुपैयाँ पर्ने सोही मोडलको कार प्रयोग गर्न थालेकी छन् ।

यी उच्च पदस्थहरु मत्रै नभएर हिजोआज सर्वसाधारणले समेत विद्युतीय सवारीमा रुचि देखाउने गरेका छन् । वार्षिक रुपमा कर तिर्नु नपर्ने, पेट्रोलियमको समस्या नहुने र वातावरणमैत्री हुने भएकाले इलेक्ट्रिक भेहिकल ईभी धेरैको रोजाइमा पर्न थालेको बीवाईडी अटो इन्डस्ट्रिजका प्रमुख कार्यकारी अधिकृत सहिल श्रेष्ठले बताए । मर्मत, कर र इन्धनको मुल्य जोड्दा लाखौ रुपैयाँ जोगिन्छ, उनले भने, ईभीमा एक किलोमिटर कुद्न एक रुपैयाँ मात्रै खर्च हुन्छ । बिहीबारको कान्तिपुर दैनिकमा सजना बरालले लेखेका छन् ।