हामी सबैकाे संसारन्यूज

१७ चैत, डडेल्धुरा । भागेश्वर गाउँपालिका १ का स्थानीयले ८० रुपैयाँको विद्युत् महसुल बुझाउन २ हजार खर्च गर्नु परेको छ । सोहि स्थानकी द्रौपदी टमटाले ८० रुपैयाँ तिर्न सदरमुकाम जानुपर्ने बाध्यताका कारण आउँदा जाँदा १५ सय रुपैयाँ खर्च भएको बताउँछीन् ।

भागेश्वरबाट जिल्ला सदरमुकाममा रहेको नेपाल विद्युत् प्राधिकरणको महसुल काउन्टर सम्म आउन जिपको साढे तीनसय एकतर्फी भाडा छ । उनीहरु महसुल बुझाएर सोहिदिन घर फर्कन भ्याउँदैनन् । ‘जिपको भाडा ७ सय, सामान्य होटल कोठाको पाँचसय, तीनपटक खानाको तीनसय गरी १५ सय खर्च भयो,’ उनले भनिन् ।

सदरमुकामबाट ५५ किलोमिटर टाढा रहेको भागेश्वर गाउँपालिका १ रुपाल र पनिउट बासीलाई ८० रुपैयाँको विद्युत् महसुल बुझाउन २ हजार भन्दा बढी खर्चनुपर्ने बाध्यता छ । आइतबारको अन्नपूर्णपोष्टमा डडेल्धुराबाट बन्दना बलमे लेखेकी छन् ।