हामी सबैकाे संसारन्यूज

६३ रुपैयाँमा बिक्दैन भनेको चिनी ८५ हुँदै कसरी एक सय पाँच रुपैयाँ किलोमा बेचियो, ‘यस्तो व्यापार, व्यापार होइन – प्रधानमन्त्री 

२७ चैत्र, काठमाडौँ । प्रधानमन्त्री केपी शर्मा ओलीले चिनी उद्योगीले आफूलाई झुक्याएको बताएका छन् । नेपाल परिसंघ(सिएनआई) को १६ औँ साधारणसभाको अवसरमा प्रधानमन्त्री ओलीले निजी क्षेत्र जिम्मेवार र जवाफदेही हुनुपर्ने भन्दै चिनी उद्योगको आग्रहलाई स्वीकार गर्दा धोका पाएको बताए ।

पाकिस्तानबाट अत्यधिक सस्तो चिनी आएर स्वदेशी चिनी बिक्री नभएको गुनासो गरेपछि चिनी आयात रोक्दा उद्योगीले चिनीको मूल्य बढाएको प्रधानमन्त्री ओलीको दाबी थियो । ‘पाकिस्तानबाट धेरै चिनी आएर समस्या प¥यो भन्नुभयो,’प्रधानमन्त्री ओलीले भने, ‘६३ रुपैयाँम चिनी बिकेन । ५३–५४ रुपैयामाँ बेच्न बाध्य भयौँ, कहाँ राख्ने भनेपछि चिनी आयात रोक्यौँ ।’ आयात रोकेपछि चिनीको मूल्य प्रतिकिलो ८५ रुपैयाँ हुँदै एक सय पाँच रुपैयाँसम्म बिक्री गरेको भन्दै प्रधानमन्त्रीले चिनी उद्योगीप्रति आक्रोश व्यक्त गरे ।

‘६३ रुपैयाँमा बिक्दैन भनेको चिनी ८५ हुँदै कसरी एक सय पाँच रुपैयाँ किलोमा बेचियो,’ उनले भने, ‘यस्तो व्यापार, व्यापार होइन । ठगिको क्रियाकलाप रोक्नुपर्छ ।’ आजको नागरिक दैनिकमा समाचार प्रकाशित छ ।