हामी सबैकाे संसारन्यूज

२९ चैत, काठमाडौं । आइसीसी यु–१९ वल्र्डकप छनौटमा नेपालले विजयी सुरवात गरेको छ । टस हारेर व्याटिङ्ग गरेको नेपालले २ सय १७ रनको विशाल अन्तरले सिंगापुरलाई पारजित गरी विजयी सुरुवात गरेको हो ।

नेपालले ४६ ओभरको पारी खेल्दै २ सय ८२ रन बनाएको थियो । जवाफमा २ सय ८३ रनको लक्ष्य पाएको सिंगापुरले ३१ ओभरमा ६५ रनमात्र बनाउन सफल रहेको थियो । नेपाली बलरहरु चम्किएपछि सिंगापुरका व्याट्सम्यानहरु चल्नै सकेनन् । पहिलो विकेट गुमाउँदा ९ रन मात्रै बनाएको सिंगापुरका इसान सान्वेले सर्बाधिक २८ रन मात्रै जोडे । ओपनर भेनु गोपाल पनि १८ रनमा आउट भएपछि सिंगापुरको व्याटिङ्ग लाइन पुरै नेपाली बलरहरुको नियन्त्रणमा आएको थियो ।

बलिङ तर्फ नेपालका पवन सर्राफले सर्वाधिक तीन विकेट लिएका छन् । कुशल मल्ल र सुर्य तामाङको खातामा पनि दुई–दुई विकेट जम्मा भएको छ ।

्