Sansar News
२ वैशाख, काठमाडौ । प्रधानमन्त्री केपी शर्मा ओलीका बाबु मोहनप्रसाद ओली र सासू धनमाया शाक्यले सरकारले नयाँ वर्षदेखि सुरु गरेको समृद्धिसँग जोडौ नाता सबै नेपालीको बैंक खाता योजना बैंक खाता खोलेर सुरु गरेका छन् ।
प्रधानमन्त्रीका बाबु र सासूले यस योजनाअन्तर्गत राष्ट्रिय वाणिज्य बैंकमा खाता खोलेर सुरु गरेका हुन् । आइतबार राष्ट्रिय सभागृहमा आयोजित विशेष कार्यक्रमबीच प्रधानमनत्री ओलीले बाबु मोहनप्रसादलाई चेक बुकलगायतका कागजपत्र हस्तान्तरण गरे ।
यस योजनाअन्तर्गत खाता खोल्दा नेपाल राष्ट्र बैंकले सय रुपैयाँ थपिदिन्छ । तर, यो शून्य मौज्दाताको हुने र यसमा वार्षिक लाख रुपैयाँसम्मको कारोबार गर्न मिल्नेछ ।
सरकारले सबै नेपालीको बैक खाता खोल्न सुरु गरेपछि खाता खोल्नेको संख्या तीव्र रुपमा बढ्ने अनुमान गरिएको छ । सोमबारको राजधानी दैनिक बाट ।
वि.सं.२०७६ वैशाख २ सोमवार ०७:४८ मा प्रकाशित
