हामी सबैकाे संसारन्यूज

२ बैशाख, काठमाडौं । खुलामञ्च्स्थित अस्थायी बसपार्कका दुई छेउमा अवैद्य रुपमा सटर बनाएर ठेकेदार कम्पनी जलेश्वर स्वछन्द बिकोई बिल्डर्सले व्यापारीसँग १५ लाख सम्म् सलामी रकम समेत उठाएको छ । सलामी रकम नबुझाउने व्यापारीलाई बसपार्क प्रवेशमै रोक लगषएको छ ।
सटर प्रयोग गरे बापत ८ देखि १५ लाख सम्म सलामी रकम उठाएको र रकम नदिने व्यापारीलाई बसपार्क प्रवेशमै रोक लगाएको बसपार्कस्थित स्वरोजगार व्यापार श्रमिक संघका अध्यक्ष हरिप्रसाद पाण्डेले बताए ।
भ्यू टावरमा सेयरको आस देखाएर पनि असुल
जलेश्वर स्वछन्द बिकोई विल्डर्सले तत्कालीन पुरानो बसपार्कमा बनाउन लागिएको भ्यु टावर सेयरदेखि सटर दिने प्रलोभन देखाएसमेत दुई सयभन्दा बढी सडक व्यापारीसँग एक–एक लाखका दरले रकम उठाएको छ । तर, रकम दिएको प्रमाण नभएपछि सबै व्यापारी चुपचाप छन् । बसपार्कस्थित स्वरोजगार व्यापार श्रमिक संघका अध्यक्ष हरिप्रसाद पाण्ेडले भने, ‘हामीलाई भ्यु टावरमा सेयर दिन्छु भन्यो । सटर पनि दिन्छु भन्यो । सबैसँग दुई वर्ष अघि नै एक–एक लाख रुपैयाँ उठायो । तर, अहिले थापा भयो, यसले हामीलाई ठगेको रहेछ ।’ सोमबारको नयाँपत्रिका दैनिकमा टेकराज थामीले लेखेका छन् ।