हामी सबैकाे संसारन्यूज

मोटोपन घटाउनका लागि फलफूल र सब्जी बढी मात्रामा खानका लागि धेरैको सल्लाह हुन्छ । तर, फलफूल र सब्जि मात्रै खाँदा पनि पनि मोटोपन नघटेको धेरैको अनुभव छ ।

अहिले संसारका धेरै मानिसहरू मोटोपन घटाउनका लागि लागि परेका छन् । धेरै मानिसहरू अन्य खाना भन्दा बढी हरियो तरकारी तथा फलफूल खाने गर्छन तर मोटोपन नघटेको धेरैको गुनासो हुन्छ ।

धेरै मानिसहरूलाई लाग्छ कि, फलफूल र तरकारी साकाहारी र प्राकृतिक आहार हो । त्यसैले तरकारी र फलफूल त हो नि जति खाँदा पनि हुन्छ भनेर आवस्यकता भन्दा बढी पनि खाइरहेका हुन्छौं । कुनै पनि कुरा जति जरुरी हुन्छ त्यति खानु राम्रो हुन्छ ।

डाइटका क्रममा हरेकदिन एकै समयमा खानु राम्रो हुने स्वस्थ्य विज्ञहरू बताउँछन् । यदि तपाई दिन रात, विहान, दिउसो जतिखेर पायो त्यतिखेर खानु भयो भने, जति कोशिस गर्दा पनि तपार्ईको मोटोपन घट्दैन ।

दिनमा २ पटक पूरा खाना र २ पटक हल्का नाश्ता गर्ने बानी बसाल्नु भयो भने त्यो सबैभन्दा उत्तम हुन्छ ।

धेरै मानिसको यो धारणा हुन्छ कि जंक फुडमा तरकारी हालेर खाँदा स्वादिष्ठका साथै हेल्दी पनि हुन्छ तर, त्यस्तो गर्नु राम्रो नहुने स्वास्थ्य विशेषज्ञ बताउँछन् । हामीले पिज्जा, चाउमीन, पास्ता लगायतका मैदाजन्य खानामा पनि तरकारी मिसाएर धेरै खाने गर्दछौं । तर, त्यो कहिलेकाँही खाँदा त ठिकै हुने र दैनिक भोजनमा मुखको मिठोको लागि यस्तो उपाय अपनायौ भने यसले बेफाइदाका साथै मोटोपन पनि बढाउदै लैजान्छ ।

त्यस्तै अधिकांश मानिसहरूमा कालो चिया या कफिले केही असर नगर्ने भन्ने सोच छ तर, तपाई दिनभरीमा ३–४ पटक चिया या कफी नखाइ सक्नुहुन्न भने ग्रीन टी, कागती चिया, वा अदुवा हालेर चिया पिउन सक्नहुन्छ । दिनमा २ पटक मात्र चिनी हालेको चिया खानु केही हदसम्म राम्रो मानिन्छ ।

प्रोटिन युक्त खाना
यदि तपाई मोटोपन घटाउन चाहानुहुन्छ भने तपाईले यो ध्यान दिन जरुरी हुन्छ कि, तपाईको शरीरमा कति प्रोटिनको आवस्यकता हुन्छ भन्ने । कतिपयलाई यो थाहा नहुँदा मोटोपन घट्नुको साटो बढ्दै गइरहेको हुन्छ । तपाई यदि डाइटमा निर्भर हुनुभएको छ भने ६० ग्राम प्रोटिनको जरुरी हुन्छ ।