हामी सबैकाे संसारन्यूज

३ बैशाख, काठमाडौ । नेपालले ओमान विरुद्धको खेलमा फराकिलो जित हासिल गरेको छ । आइसीसी यू -१९ विश्वकपमा एसीया क्षेत्रको छनौट खेलमा नेपालले ओमानलाई १ सय ५० रनले हराएको हो ।

सदा झै नेपाली बलरहरु चम्कीदा नेपालले यति फराकिलो जित निकाल्न सम्भव भएको हो । नेपालका युवा बलरहरुको कसीलो बलिङका सामु ओमानी व्याट्सम्यानहरुको व्याट फिक्का जस्तै भएको थियो । नेपाली बलरहरले ९ ओमानी व्याट्सम्यानलाई दोहोरो अंक जोड्न नदिइ पेभेलियनको बाटो देखाएका थिए ।

दुुई सय ३० रनको लक्ष्य पाएको ओमानले ४१.१ ओभरको पारी खेल्दै अल आउट हुँदा जम्मा ७९ रन मात्रै बनाउन सकेको थियो ।

यो जित सँगै नेट रन रेटका आधारमा संयुक्त इमिरेटलाई पछाडी पार्दै विश्वकपका लागि नेपाल छनौट हुने सम्भावना बढेको छ । पहिलो खेलमा सीगांपुरलाई नेपालले २ सय १७ रनको विशाल अन्तरले पराजित गरेको थियो । दोस्रो खेल यूएई सँग १ रनले गुमाएको नेपालले अन्तीम खेल बिहीबार कुवेत सँग खेल्ने छ ।