हामी सबैकाे संसारन्यूज

६ बैशाख, अमेरिका । अमेरिकी सरकारले गैरकानुनी रुपमा सीमा क्षेत्रबाट प्रवेश गर्ने विदेशीलाई जेलमा नै राख्ने निर्णय गरेको छ । महिलौ लगाएर अमेरिका पुगेका नेपालीले अदालतको निर्णय नआउन्जेल जेलमा बस्नु पर्ने भएको हो । यसअघि यसरी अमेरिका प्रवेश गर्नेले एसाइलम आवेदन दिएपछि धरौटीमा रिहा गर्ने प्रावधान थियो । यो प्रावधान बुधबारदेखि हटाइएको छ ।

बिना कागजात प्रवेश गरेका त्यस्ता आवेदकलाई अमेरिकी सरकारको एसाइलमको अन्तिम निर्णय नहुँदा सम्मका लागि धरौटीमा रिहा गर्दै बाहिर काम गर्ने अवसर दिन्थ्यो ।

बुधबार जारी भएको महान्यायधिवक्ताको निर्णसँगै अब एसाइलम आवेदकहरु, निवेदन स्वीकृत नहुँदासम्म अध्यागमनको जेलमा नै बस्नुपर्ने हुन्छ । अध्यागमन हिरासतमा आप्रवासीलाई राख्ने क्षमता बढाउनुपर्ने भएकाले महान्याधिवक्ताको निर्णय, ९० दिनमा कार्यन्वयनमा आउनेछ । शुक्रबारको अन्न्पुर्ण पोष्ट दैनिकमा अनिल अधिकारीले लेखेका छन् ।