हामी सबैकाे संसारन्यूज

७ बैशाख, काठमाडौं । चीन विश्वमै नयाँ ऋणदाता मुलुकका रुपमा चिनिएको छ । तर, पश्चिमा मुलुक, विश्व बैंक र अन्तराष्ट्रिय मुद्रा कोष (आईएमएफ) का लागि भने यो टाउको दुखाईको विषय बनेको छ ।
चिनियाँ ऋण अपारदर्शी रहेको र यसले धेरै मुलुकलाई ऋणग्रस्ततातर्फ धकेल्ने आइएमएफको विश्लेषण छ । अमेरिकामा हालै भएको बैठकमा पनि उसले ऋण दिने र लिने मुलुकलाई पारदर्शिता अपनाउन आग्रह गरेको छ । यसपालीको बैठकमा चिनियाँ ऋण सम्बन्धी ठूलो बहस भयो ।
कुनै पनि ऋण दाता देशले ऋणको स्थायित्वलाई ध्यान दिएर पारदर्शी ढंगले प्रबाह गर्नुपर्ने आइएएमएफकी प्रबन्ध निर्देशक क्रिस्टिन लगार्देले बताइन् । संसारभरका अर्थ व्यवस्थाको स्थायित्वलाई प्राथमिकता दिएको आइएमएफले आफ्ना १ सय ८९ सदस्याई आर्थिक स्थायित्व कायम राख्न आपतकालिन् ऋण दिदैं आएको छ । शनिबारको अन्नपूर्ण पोष्ट दैनिकमा वासिङटन डीसीबाट पुष्पराज आचार्यले लेखेका छन् ।