हामी सबैकाे संसारन्यूज

१६ बैशाख, काठमाण्डौं । नेपाली कांग्रेसको केन्द्रीय अनुशासन समितिले गत चैत मसान्त सम्ममा देशभरबाट प्राप्त भएका झण्डै १२ सय उजुरीको पोको खोल्न सुरु गरेको छ ।

समितिले देशभरबाट प्राप्त उजुरीलाई आइतबारको बैठकबाट खोल्न सुरु गरेको छ । समितिका संयोजक भीष्मराज आङदेम्बेले समितिमा नयाँ ३ सय र पुराना ९ सय गरी करिब १२ सय उजुरी प्राप्त भएको र त्यसलाई खोल्न सुरु गरिएको बताए ।

‘आइतबारको बैठकबाट हामीले उजुरी हेर्न सुरु गरेका छौं । अब उजुरीका विषयमा केस स्टडी हुन्छ । त्यसपछि प्रमाण हेर्छौ,’ समितिका संयोजक आङदेम्बेले भने ।

उनले प्राप्त नयाँ उजुरी मध्ये धेरैजसो स्थानीयतह हुँदै प्रदेश तथा प्रतिनिधिसभाको गत निर्वाचनमा पार्टीले तोकेको आधिकारीक उम्मेदवारमाथि भएको अन्तर्घातका गुनासोसँग सम्बन्धित रहेको बताए । सोमबारको राजधानी दैनिकबाट