Sansar News
१७ बैशाख, काठमाडौं । एनसेल खरिद–विक्रिमा सरकारले निर्धारण गरेको पुँजीगत लाभकर, जरिवाना र शुल्कको गणना गलत भएको भन्दै सर्वोच्च अदालत गएको एनसेलले अन्तराष्ट्रिय अदालत जाने तयारी गरेको छ ।
नेपाल सरकारले निर्धारण गरेको कर विरुद्ध एनसेल अन्तराष्ट्रिय अदालत (आर्बिटेशन) मा जान लागेको हो ।
सूचना प्रविधि क्षेत्रको समाचार लेख्दै आएको ‘मोबाइल वल्र्ड लाइभ डटकम’ ले नेपाल सरकारले गणना गरेको ‘कर हिसाब बेठिक’ भएको भन्दै एनेसल आर्बिटेशनमा जान लागेको उल्लेख गरेको छ । तर, उसले ऐनसेल र आजियाटा युकेका आधिकारीक व्यक्तिलाई भने उद्धृत गरेको छैन ।
आर्बिटेशनमा जान एनसेल र आजियाटा युकेले अन्तराष्ट्रिय लगानी सम्बन्धी विवाद समाधान केन्द्र आइसीएसआइडी) मा जाने तयारी गरिरहेका छन् । आइसीएसआइीले यसका सदस्य राष्ट्रमा कुनै पनि लगानी तथा यसको कर सम्बन्धी विवाद भएमा अदालतको रुपमा निरुपण गर्छ । मंगलबारको नागरिक दैनिकबाट
वि.सं.२०७६ वैशाख १७ मंगलवार ०८:१६ मा प्रकाशित
