२४ बैशाख, काठमाण्डौं । नेपालमा क्यान्सर भयावह रुपमा देखिँदै गएको छ । मानिसको असन्तुलन खानपान र बदलिँदो जीवनशैलीको कारण क्यान्सरका बिरामीको संख्या दिनप्रतिदिन बढ्न थालेको हो ।
धुम्रपान र मद्यपान गर्नेहरुमा बढी मात्रामा क्यान्सर देखिएको चिकित्सकको अनुभव छ । यदि धुम्रपान र मद्यपान नगर्ने हो भने मात्रै क्यान्सरका बिरामीको संख्या झण्डै ५० प्रतिशतले घट्ने चिकित्सकको भनाई छ ।
नेपालमा हरेक वर्ष ३० देखि ३५ हजार क्यान्सरका नयाँ बिरामी थपिने गरेको विभिन्न अध्ययनले देखाएको छ । क्यान्सर सुरमा नै पत्ता लगाउन सकिए निको हुने भएकाले विशेष सजगता अपनाउन चिकित्सकको सुझाव छ ।
तर नेपालमा भने अधिकांश व्यक्ति क्यान्सरको अन्तिम चरणमा पुगेपछि मात्रै अस्पताल जाने गर्दा मृत्यु हुने क्रम बढेको छ । बिरामीले सुरुकै अवस्थामा सर्तकता अपनाउन नसक्नाले क्यान्सर रोगले भयावह रुप लिँदै गरेको चिकित्सकको भनाइ छ । मंगलबारको राजधानी दैनिकबाट
वि.सं.२०७६ वैशाख २४ मंगलवार ०७:५४ मा प्रकाशित
