हामी सबैकाे संसारन्यूज

२४ बैशाख, बिर्तामोड ।  भारतीय नागरिकलाई नेपाली नागरिकता दिलाउने  प्रक्रियामा  मुछिएका जनप्रतिनिधि  र स्थानीयलाई पक्राउ  गर्न प्रहरी  असफल भएको छ ।

जिल्ला अदालत झापाले  नेपाली नागरिकता काण्डमा  मुछिएका  जनप्रतिनिधि  र कर्मचरारीसहित  ९  जनालाई  पक्राउ गर्न जिल्ला प्रहरी  कार्यालय झापालाई  पक्राउ पुर्जी  दिएको थियो । तर अदालतबाट  पक्राउ पुर्जी  जारी हुनासाथ  घटनामा मुछिएका  सबै फरार भएपछि  समस्या  देखिएको जिल्ला प्रहरी कार्यालयका  प्रवक्ता  डीएसपी  महेन्द्र कुमार  श्रेष्ठले बताए । ‘हामीले पक्राउ  पुर्जी  लिनासाथ सबै फरार भएका छन्,  खोजी जराी छ,’ उनले भने, ‘भागेर जाने  सम्भावनै छैन कुनै  पनि समयमा पक्राउ  गर्नेर्छौ ।’

अदालतले  कचनकवल गाउापलिका २ का वडाअध्यक्ष  मेखबहादुर भट्टराई,  वडा सदस्य धन बहादुर गुरुङ, वडासचिव हरि प्रसाद गौतम,  कर्मचारी खगेन्द्र  प्रसाद खतिवडा  तथा  स्थानीय कविता गुरुङ, गंगाप्रसाद भट्टराई, तुलसीराम गुरुङ, प्रेम प्रसाद  तिम्सिना र शिव कुमार दाहालको नाम उल्लेख गरेर प्रहरीलाई  पक्राउ पुर्जी  थमाएको थियो ।   मंगलबारको  अन्नपूर्णपोष्ट दैनिकबाट