हामी सबैकाे संसारन्यूज

२८ बैशाख, काठमाण्डौं । परराष्ट्र मन्त्रालयको युरोप–अमेरिका महाशाखाले विदेशस्थित १० दूतावास र ८३ मुलुक हेर्दै आएको छ । अमेरिका, क्यानडा, दक्षिण अमेरिका, युरोपका सबै दूतावास यही महाशाखा अन्तर्गत पर्छन् ।

तर ती मुलुकसँगको प्रत्यक्ष अन्तरक्रियामा एक सहसचिव, एक उपसचिव, एक अधिकृत र एक सुब्बा मात्र खटिएका छन् ।

यति जनशक्ति त कुनै एउटा देशको नेपाली दूतावासमै रहन्छ । यस्तो अवस्थामा मन्त्रालयले किन महाशाखालाई धेरै जिम्मेवारी दिएका होला ?

कामको बाँडफाँट व्यवस्थित नहुँदा इन्डोनेसियालाई शुभकामना सन्देश पठाउने क्रममा परराष्ट्र मन्त्रालयले शोक सन्देश पठाएको बिज्ञप्ति केही समयअघि सञ्चारमाध्यममा आयो । मन्त्रालयले भुलसुधार त गर्यो तर कुनै कर्मचारमाथि कारबाही भएन ।

मन्त्रालयबाट यस्तै थुप्रै त्रुटि भइरहेका छन् । काम गर्नेले गल्ती गर्छ तर कूटनीतिमा गल्ती सच्याउन मिल्दैन ।

यति मात्र होइन, भ्रमणको प्राथमिकता तय नगर्ने मुलुकपिच्छैको कूटनीति भन्ने तर त्यसका लागि तयारी नगर्ने, काम बाँडफाँटमा भद्रगोल बनाउने जस्ता कमजोरी महाशाखाबाट हुँदै आएका छन् । शनिबारको अन्नपूर्णपोष्ट दैनिकमा चन्द्रशेखर अधिकारीले लेखेका छन् ।