Sansar News
३० बैशाख, काठमाण्डौं । चिकित्शा शिक्षा अध्ययनरत विद्यार्थीसँग अबैध रकम असुल्दै आएका मेडिकल कलेज विरुद्ध संघीय संसदको शिक्षा तथा स्वास्थ्य समितिमा ६० वटा भन्दा बढी उजुरी परेको छ ।
त्रिभुवन विश्वविद्यालय (टियू) र काठमाण्डौं विश्वविद्यालय (केयू) ले सम्बन्धन दिएका अधिकांश मेडिकल कलेजविरुद्ध उजुरी परेको हो ।
समितिद्धारा गठित उपसमितिमा परेका उजुरीमा ६८ लाखभन्दा बढी शुल्क असुलेको प्रमाण पेस गरिएको छ । सबैभन्दा बढी उजुरी ललितपुरको किष्ट मेडिकल कलेजविरुद्ध छ ।
किस्टले अवैद्य शुल्क लिने गरेको, प्रयोगात्मक÷आन्तरिक परीक्षामा फेल गराएको परीक्षामा वञ्चित गराएको, मानसिक यातना दिएको, अतिरिक्त शुल्कको रशिद नदिएको अनुगमनमा नक्कली विद्यार्थी र अभिभावक देखाउने गरेको उल्लेख छ ।
किष्ट सहित केयूबाट सम्बन्धन प्राप्त कलेजले अवैध रकम उठाउन ‘गुन्डा’ पाल्ने गरेको समेत विद्यार्थी र अभिभावकले गुनासो गरेका छन् । सोमबारको कान्तिपर दैनिकबाट
वि.सं.२०७६ वैशाख ३० सोमवार ०७:४१ मा प्रकाशित
