हामी सबैकाे संसारन्यूज

३० बैशाख, काठमाण्डौं । प्रतिबन्धित नेकपाका महासचिव नेत्रविक्रम चन्द ‘विप्लव’ ले शिर्ष नेताहरुको हत्या गर्ने योजनाका कुरा झुट भएको बताएका छन् ।

महासचिव विप्लवले यस्तो गम्भीर विषयलाई सरकारद्धारा बजारको व्यापार गराइएको बताउँदै आफूलाई अनौठो लागेको समेत बताएका छन् । ‘राज्यले हाम्रा नेताहरुलाई इन्काउन्टर सम्मको योजना बनाएर शक्ति सञ्चालन गरेको छ भन्ने सुन्नमा आएको छ ।’

त्यसैगरी सरकारसँग वार्ता गर्न नआएर हिंसात्मक गतिबिधिमा संलग्न भएकैले सरकारले प्रतिबन्ध लगाएको बताइरहेको छ नि भन्ने प्रश्नमा उनले भनेका छन् ‘यो झुटो प्रचार हो । पहिलो कुरा सरकारले हामीलाई आधिकारिक ढंगले वार्तामा बोलाएको होइन, त्यसअर्थमा वार्तामा आएन भन्न मिलेन । दोस्रो वार्ताबाट त हामी फर्किदै छौं ।

जतिबेला वार्ताबाट जनअधिकार र देशका प्रस्तावहरु पास होलान् भन्ने थियो । त्यसबेला सम्म त प्रचण्डसहित हामी वार्तामै थियौं नि । तर जव वार्ताका नाममा जनयुद्धका सारा प्रस्ताव र उपलब्धिलाई खरानी पार्न थालियो देशलाई पराधिन र जनतालाई अधिकारविहीन बनाउन थालियो तब हामीले विद्रोह गरेका हौं ।’ सोमबारको अन्नपूर्णपोस्ट दैनिकबाट