हामी सबैकाे संसारन्यूज

१ जेठ, वीरगन्ज । जनप्रतिनिधिकै अगुवाईमा गाउँ निकालमा परेको बारा सुवर्ण गाउँपालिका–६ धरमपुरका ओमप्रकाश यादव (अवधेश) को परिवारले १० जनाबिरुद्ध जिल्ला प्रशासन कार्यालयमा किटानी जाहेरी दिएको छ ।

पति अनुठा यादवको दाहसंस्कार र काजकिरिया हिन्दू धर्म अनुसार नगरेको आरोपमा गाउँनिकाला भएको नौ दिनपछि मंगलबार बिन्दा अहिरनले उजुरी दिएकी हुन् ।

गाउँनिकालाको नेतृत्व गर्ने वडासदस्य जिमिलाल यादव र पूर्व गाविस उपाध्यक्ष विद्यानन्दप्रसाद यादवसहित पूर्व वडा सदस्यहरु हृदयनारायण राउत अहिर र रामधार राउत अहिर विरुद्ध किटानी जाहेरी परेको छ ।

यस्तै मोछी प्रसाद यादव, गणेश प्रसाद यादव, वैजनाथ गिरी र देवेन्द्र यादवविरुद्ध पनि किटानी जाहेरी परेको बाराका सहायक प्रमुख जिल्ला अधिकारी मुरारी कार्कीले बताए । बुधबारको नयाँपत्रिका दैनिकबाट