हामी सबैकाे संसारन्यूज

१ जेठ, काठमाण्डौं । गत बैशाख २४ गते दाङ घोराही उपमहानगरपालिका १ तल्नो माले र सिरुखर्कमा आगलागीमा परेका १२ वटै घरपरिवारलाई राहत बितरण गरिएको छ ।

घोराही उपमहानगरपालिका १ सिमलटाराका स्थायी निवासी शोभाराम पुनले पीडित परिवारलाइ बैशाख २८ गते बुवा र आमाको हातबाट लत्ताकपडा र खाद्यान्न बितरण गरेका छन् ।

विगत १० बर्षदेखि वैदेशिक रोजगारीको सिलसिलामा ओमानमा कार्यरत रहेका पुनले गत सोमबार सबै घरपरिवारलाई चामल, नुन, तेल र लत्ताकपडा वितरण गरेका हुन् ।

‘डिउटीबाट भर्खरै रुममा फर्किएको थिए, फेसबुक खोलेर हेर्दा आफू जन्मेको हुर्केको गाउँ ठाउँमा बनबाट निस्केको आगोले सारा गाउँ नै जलाएको समाचार आयो मन आत्तियो के गरौ कसो गरौ भन्ने भयो ।’ पुनले भने, ‘तत्काल घटनास्थलमा जान सक्ने मेरो अबस्था नै थिएन घरमा फोन गरेर बुवा आमालाई बुझन लगाए कसैको केही नरहेको सबै जलेर नस्ट भएको खबरले मन भक्कानियो अनि श्रीमती बुवाआमासँग समन्वय गरेर गत सोमबार सवै घर परिवारलाई चामल नुन तेल लत्ताकपडा बितरण गरियो ।’

गर्मी यामको समय रहेको र आगलागी हुने संभावना अति हुने हुनाले त्यसबाट बच्ने उपाय नभएको बताए । पुनले स्थानीय सरकार भएपनि गाउपलिकाको कार्यालय १५ किलोमिटर टाढा रहेको तथा बाटोघाटो पनि अप्ठ्यारो त्यहाँबाट दमकल आउननै समस्या रहेकोले आगो नियन्त्रणमा समस्या नहुने बताए ।