Sansar News
५ जेठ, काठमाण्डौं । अष्ट्रेलियामा फ्लुको कारण यसवर्ष मात्रै ४२ जनाले ज्यान गुमाएका छन् । ज्यान गुमाउनेमा अधिकांश वृद्धवृद्धा छन् ।
ज्यान गुमाउनेमध्ये अधिकांश क्विन्सल्याण्ड र दक्षिणी अष्ट्रेलियाका छन् । हालै सार्वजनिक भएको तथ्यांक अनुसार क्विन्सल्याण्डमा २५ जनाले ज्यान गुमाईसकेका छन् भने दक्षिण अष्ट्रेलियामा १७ को मृत्यु भएको हो । ती मध्ये १३ जना वृद्धवृद्धा छन् । अष्ट्रेलियामा ६ राज्य र दुई टेरिटोरी छन् । अन्य स्थानको तथ्यांका सार्वजनिक नभइसकेकाले मृतकको संख्या अधm बढ्न सक्ने जनाईएको छ ।
दक्षिण अष्ट्रेलियामा फ्लुले मुत्यु हुने वृद्धवृद्धाको संख्या बढेपछि उनीहरु बस्ने नर्सिङ होम अस्थायी रुपमा बन्द गरिएको छ । प्रमुख स्वास्थ्य अधिकृत प्रोफेसर प्याडी फिलिप्सले वर्षको सुरुवातदेखि हालसम्म ५३ नसिङ होममा रोग पहिचान भएको जनाए । उनका अनुसार १८ नर्सिङ होम अस्थायी रुपमा बन्द गरिएको छ । आइतबारको कान्तिपुर दैनिकबाट
वि.सं.२०७६ जेठ ५ आइतवार ०७:४१ मा प्रकाशित
