हामी सबैकाे संसारन्यूज

तिमी छटपटाईरह्यौ
सयौं चोटि ऐया र आत्थु गर्यौ
रोयौ
करायौ
आमा भन्यौ
बाबा भन्यौ
तमाम पिडाहरु खपेर बस्यौ
तिम्रो प्रशवबेदना
बाहिर बसेर सुनिरहे
बुढिऔलाले भुइ कोतरेर पर्खिरहे
एक्कासि ढोका खुल्यो

मैले के गरे र प्रिय
जाबो हस्तमैथुन गरेर फाल्ने विर्य दान गरेको हुँ
हो म त्यही पुरुष हुँ
आफ्नो शासन लाद्न खोज्ने
आज आमाको नामबाट नागरिकता दिनुहुँदैन भन्दै
बाबु हुनुको कथित स्वाभिमान डकारीरहेछु

र

आवाज आयो
ल बधाई छ तपाईलाई
तपाई बाबा बन्नुभएको छ
तिमी अर्धचेत अवस्थामा थियौ
मैले बधाई पाईसकेको थिए
दुःख तिमीले पायौ
पेट तिमीले बोक्यौ
बिरामी तिमी भयौ
गर्भ भित्र शिसुको धड्कन तिमीले नाप्यौ
बधाई मैले पाएं
मैले के गरे र प्रिय
जाबो हस्तमैथुन गरेर फाल्ने विर्य दान गरेको हुँ
हो म त्यही पुरुष हुँ
आफ्नो शासन लाद्न खोज्ने
आज आमाको नामबाट नागरिकता दिनुहुँदैन भन्दै
बाबु हुनुको कथित स्वाभिमान डकारीरहेछु