Sansar News
२२ जेठ, काठमाडौँ । आगामी एक वर्ष पनि मेलम्चीको पानी काठमाडौँ नआउने निश्चित छ ।
आयोजनाको बाँकी काम पुरा गर्न मेलम्ची विकास समितिले १५ महिनाको समयसीमा तोकेर टेन्डर आह्वान गरेकाले सरकारको लक्ष्य पुरा नहुने भएको हो । समितिले हेडबक्स निर्माणका १५ महिना र सुरुङ निर्माणका लागि १२ महिनाको समयसीमा तोकेको छ ।
गत ५ जेठमा बसेको मन्त्रिपरिषद् बैठकले आयोजनाको बाँकी काम तत्कालै अघि बढाउने निर्णय गरेपछि समितिले टेन्डर आह्वान गरेको हो ।
सरकारले आर्थिक वर्ष ०७६–०७७ को नीति तथा कार्यक्रममा चालू आर्थिक वर्षभित्र मेलम्चीको पानी काठमाडौँ ल्याउने लक्ष्य राखेको छ । सोही लक्ष्यअनुरुप सरकारले सात अर्ब ३९ करोड रुपैयाँ विनियोजन गरेको छ ।
बुधबारको नयाँ पत्रिका दैनिकबाट
वि.सं.२०७६ जेठ २२ बुधवार ०७:३१ मा प्रकाशित
