हामी सबैकाे संसारन्यूज

२२ जेठ, स्पेन । बिस्कुट खान दिँदा २२ हजार डलर (२२ लाख रुपैयाँ बढी ) जरिवाना ! तपाईलाई यो पढेर अचम्म लाग्ला पाठकबृन्द । तर, कानुन भएको देशमा मानविय भावनासँग खेलवाड गर्ने एक व्यक्तिले विस्कुट खुवाउँदा २२ हजार ३ सय डलर जरिवाना र १५ महिना जेल बस्नुपर्ने भएको छ ।

प्रयांक नामक स्पेनका एक २० वर्षे युट्युवरले रमाइलो र भिजिटर बढाउनका लागि भिडियो बनाएका थिए । उक्त भिडियोका लागि उनले ५२ वर्षीय जर्ज एलललाई ओरियो बिस्कुटमा क्रिमको साटो टुथपेस्ट राखेर खुवाएका थिए । बिस्कुट खानासाथ जर्जले बान्ता गरेका थिए । उनले यसै कुरालाई लिएर कानुनी उपचारको बाटो खोज्दा युट्युवरले १५ महिना जेल सजाय र यत्तिका धेरै जरिवाना तिर्नुपरेको हो ।

घरबारबिहिन जर्जको भावना माथि खेलवाड गरेका प्रयांकलाई बेइज्जत र अन्याय गरेको भन्दै अदालतले दोषी ठहर्याएको हो ।

चाइनिज नागरिक  युट्युवरले आफ्नो काम सबैलाई हसाउने भएको र यसैका लागि भिडियो बनाएको भन्दै आफ्नो बचाउ गरे पनि अदालतले दोषी ठहर्याएको हो । ऐजेन्सीका अनुसार उनले उक्त भिडियोबाट २ हजार बढी युरो कमाएको बताइएको छ ।

युट्युवमा रिसेत नामले चर्चित रहेका युट्युवर कंगुवा रेनले उक्त भिडियो लिएपछि पीडितलाई २० युरो दिएर बच्न खोजेका थिए । तर अदालतले उनलाई उक्त जरिवाना, सजाय सुनाउँदै २०२२ सम्म कुनैपनि भिडियो पोस्ट नगर्न पनि निर्देशन दिएको छ ।