हामी सबैकाे संसारन्यूज

२२ जेठ । काठमाण्डौ निजगढ फास्ट ट्रयाकको डिपिआर प्रतिवेदन स्वीकृत हुँदै तोकीए भन्दा छिटो सक्ने सेनाले तयारी गरेको छ ।

कोरीयन कम्पनि सोसुङ्ग ईन्जीनियरीङ्ग एण्ड कन्स्ट्रक्टीङ्ख कम्पनिले तयार पारेको काठमाण्डौ निजगड फाष्ट ट्रयाक सडकको बिस्तृत परीयोजना प्रतिबेदन नेपाल सरकारले छिट्टै स्वीकृत गर्ने भएको हो । प्रधानमन्त्री के.पी शर्मा ओली युरोपको भ्रमणबाट फर्किएलगत्तै नेपाली सेनाले डिपिआर प्रतिवेदन स्वीकृत गर्ने तयारी सरकारले गरीरहेको छ ।

नेपाली सेनाले निर्माण गरीरहेको उक्त सडक आम नेपालीका लागि सपनाको सडक मानिएको छ । असारको मध्यसम्म सरकारले डिपिआर प्रतिवेदन स्वीकृत गरे कठमाण्डौ निजगड फाष्ट ट्रयाक तोकिएको समय अगाडिनै सम्पन्न हुनेसेनाको दाबि रहेको छ । काठमाण्डौबाट मध्य तराइको निजगढ सम्म ७६ किलो मिटर लम्बाइको उक्त सडक नेपाली सेनाले निर्माण गरीरहेको छ । तिनवटा सुरुङ्ग र अधिकतम २५ मिटर चौडाइ रहने सडकले काठमाण्डौ, ललितपुर, मकवानपुर र बारा जिल्लालाई छुने छ ।

सडक निमाणको जिम्मा सेनाले २०७४ साउन २७ मा पाएको थियो । नेपाली सेनाको विकास निमार्ण निर्देसनालयका अनुसार अहिले उक्त सडक १० स्थानबाट निमार्ण भइरहेको छ । प्रत्येक टुकुडिले ८ किमि सडक निर्माण गरी रहेको र २३ बटा ठेकेदार कम्पनि समेत निर्माणमा खटेको सेनाले बताएको छ । नेपाली सेनाका अनुसार तिन हजार सेना र एक हजार मजदुर चोविसै घन्टा सडक निर्माणमा जुटेका छन् ।
तीन वटा सुरुङ्ग र ९० वटा पुल रहने ७६ किमि सडकको कुल लागत २ खर्व १३ अर्व रहने छ ।