back

हरेक साता दुई बाघ मारिन्छन् : प्रतिवेदन

वि.सं.२०७३ मंसिर २ बिहीवार

300 

shares
RBB AD
NTC AD

२ मंसीर, हनोइ (भियतनाम) । प्रत्येक हाता कम्तिमा दुई वटा बाघ मारिने वा गैरकानुनी उनीहरूको शरीरको व्यापार गरिने गरेको बुधबार सार्वजनिक गरिएको एक प्रतिवेदनले गरेको छ ।

अहिले विश्वभर बाँकी रहेका करिब चार हजार बाघको भाविष्य अत्यन्तै सङ्कटपूर्ण रहेको भियतनामको राजधानी हनोइमा बिहीबारदेखि दुई दिनसम्म हुने अन्तर्राष्ट्रिय वन्यजन्तुबारे चासो राख्ने विज्ञहरूको सम्मेलन हुन ठिक एक दिन बाँकी रहेका बेला सार्वजनिक प्रतिवेदनमा जनाइएको छ ।

बिहीबारदेखि सुरु हुने सम्मेलनमा विश्वका वन्यजन्तु विज्ञ तथा बेलायती राजकुमार विलियमलगायत विशिष्ट व्यक्तिहरूको सहभागिता हुनेछ ।

अन्तर्राष्ट्रिय वन्यजन्तु अनुगमनकारी संस्था (ट्राफिक) ले ल्याएको बाघका भविष्यबारे डरलाग्दो तथ्याङ्क १६ वर्ष विश्वभरका बाघ बसोबास गर्ने क्षेत्रको अध्ययन र त्यहाँ मृत भेटिएका बाघको अध्ययन तथा विश्लेषणपछि सार्वजनिक गरिएको हो ।

ट्राफिकको तथ्याङ्कअनुसार सन् २००० यता ११० वटा बाघ गैरकानुनी रूपमा मारिएका पाइएको छ ।

अध्ययनले दुर्लभ बाघको संरक्षणका लागि खोलिएका भनिएका प्रजनन् केन्द्र नै उनीहरूको भविष्यमाथि पूर्ण जिम्मेवार रहने नगरेको अध्ययन प्रतिवेदनमा उल्लेख छ । त्यसमा पनि दक्षिण एसियाली मुलुकहरूमा बाघको भविष्यमाथि जिम्मेवारपूर्ण गतिविधि नदेखिने गरेको प्रतिवेदनमा बताइएको छ ।

अनुसन्धानकर्ताले थाइल्यान्ड, लाओस, भियतनामलगायतका मुलुक बाघको सङ्ख्या संरक्षणका लागि महत्वपूर्ण क्षेत्र हुनसक्ने बताए पनि यी देशले बाघको सङ्ख्या घट्न नदिन उल्लेख्य भूमिका खेल्न नसकेको ट्राफिकका वन्यजन्तु विज्ञ कानिथा कृष्पासमीले बताउनुभएको छ ।

सन् २००० देखि सन् २००३ सम्ममा बाघको बासस्थान दुई प्रतिशतले अन्य प्रयोजनका लागि ओगटिएको पाइए पनि सन् २०१२ देखि सन् २०१५ मा आउँदा ३० प्रतिशत बाघको संरक्षित क्षेत्रमा हस्तक्षेप भएको पाइएको छ । यद्यपि लाओस र भियतनामले बाघको संरक्षणका लागि पछिल्लो समय विशेष योजनाका साथ कार्यक्रम ल्याएको बताइएको छ ।

बेलायती राजकुमार विलियमले विहीबार नै यस विषयमा भियतनामका राष्ट्रपति र प्रधानमन्त्रीसँग भेटी छलफलसमेत गर्नुभएको छ । एएफपी

वि.सं.२०७३ मंसिर २ बिहीवार ०३:३७ मा प्रकाशित

NLIC AD
NABIL bank AD
द्विपक्षीय सम्बन्धको भविष्यलाई सुदृढ बनाउन पुटिनसँग सहकार्य गर्न चिनियाँ सी तयार

द्विपक्षीय सम्बन्धको भविष्यलाई सुदृढ बनाउन पुटिनसँग सहकार्य गर्न चिनियाँ सी तयार

बेइजिङ । रुसी राष्ट्रपति भ्लादिमिर पुटिनको बेइजिङ आगमनपछि चिनियाँ राष्ट्रपति...

जापानी कम्पनी तोसिबाले जापानमा चार हजार रोजगारी कटौती गर्ने

जापानी कम्पनी तोसिबाले जापानमा चार हजार रोजगारी कटौती गर्ने

टोक्यो । समस्याग्रस्त जापानी औद्योगिक कम्पनी तोसिबाले बिहीबार पुनरसंरचना कार्यक्रमको...

सन् २०२४ मा अस्ट्रेलियाको मुद्रास्फीति तीन प्रतिशतभन्दा कम हुने अनुमान

सन् २०२४ मा अस्ट्रेलियाको मुद्रास्फीति तीन प्रतिशतभन्दा कम हुने अनुमान

क्यानबेरा । अस्ट्रेलियाको मुद्रास्फीति दर सन् २०२४ को अन्त्यसम्ममा केन्द्रीय...

श्रीमतीको हत्या आरोपमा कजाकिस्तानका पूर्वमन्त्रीलाई २४ वर्षको जेल सजाय

श्रीमतीको हत्या आरोपमा कजाकिस्तानका पूर्वमन्त्रीलाई २४ वर्षको जेल सजाय

अस्ताना । आफ्नी श्रीमतीलाई रेस्टुरेन्टमा कुटपिट गरी हत्या गरेको आरोपमा...

भारतले माल्दिभ्सलाई अतिरिक्त वर्षका लागि पाँच करोड डलर ऋण प्रदान गर्ने

भारतले माल्दिभ्सलाई अतिरिक्त वर्षका लागि पाँच करोड डलर ऋण प्रदान गर्ने

माले । माल्दिभ्सका विदेशमन्त्री मुसा जमीरको अनुरोधमा भारत सरकारले सोमबार...