हामी सबैकाे संसारन्यूज

दिल्ली । दिल्लीमा कार्यरत एक युवालाई शख्त घाईते हुने गरी कुटपिट गर्ने मालिक तथा म्यानेजरमाथि कारबाहीको माग गर्दै दिल्लीका नेपालीले दिल्ली प्रशासन घेराउ गरेका छन् ।
रिसिङ गाउँपालिका वडा नं ३ नाजुङ तनहुँ घर भई दिल्लीको डिफेन्स कोलोनीस्थित ःइभ्त्क् ज्इत्भ्ी मा कार्यरत २७ वर्षीय राजु थापालाई चोरीको आरोपमा होटलका म्यानेजर र प्रहरीले रडले प्रहार गरेर गम्भीर घाईते बनाएपछि उनको अचेत अवस्थामा अस्पतालमा उपचार गराइएको छ ।
राजुलाई उनका आफन्त तथा साथीभाइले अस्पतालमा पुर्याएका थिए । उनी अस्पतालमा भर्ना भएको थाहा पाउना साथ दिल्लीस्थित देशभक्त आवाज र नेपाली एकता समाजका प्रतिनिधिहरुको सक्रियतामा आइतबार राति १२ बजेसम्म थानामा बसेर दोषीलाई कारबाहीको माग गरेका थिए । उनीहरुले नेपाली श्रमिकमाथि निर्घात कुटपिट गर्ने व्यापारी र प्रहरीको घोर निन्दा गर्दै यस विषयमा राजदूतावासको गम्भीर ध्यानाकर्षण होस् भन्ने पनि उनीहरुको माग रहेको छ ।