२९ असार, । सप्तरी, रौतहट, पर्सा बारा र बाँकेका सीमा क्षेत्रमा भारतले एकतर्फी रुपमा बनाएको बाँधलगायत संरचना र निकासमा पुराएको अवरोधले नेपाली भूभाग डुबानमा परेको छ ।
भारतीय पक्षले सप्तकोसीको बहावलाई नियोजित रुपमा पश्चिमतर्फ फर्काउँदा सप्तरी को हनुमाननगर कंकालिनी नगरपालीकाका ३ सय परिवार विस्थापित भएका छन् ।
बहाब फर्काइएका कारण कोसीको पानी ओभरफ्लो हुन थालेको छ । पश्चिमी तटबन्ध भत्किने जोखीम बढेको छ । आफ्नो भूभागको बस्ती जोगाउन भारतीय पक्षले ४ वर्षयता एकतर्फी रुपमा पाइलट च्यानल बनाएको हो । दशगजाभित्र एकतर्फी रुपमा भारतले बनाएको बाँधका कारण रौतहट सदरमुकाम गौर जलमग्न भएको छ । शुक्रबार रातिदेखि नै गौर बजार क्षेत्र ५ देखि ७ फिटसम्म डुबानमा परेको छ । आइतबारको कान्तिपुर दैनिकबाट
