हामी सबैकाे संसारन्यूज

५ अगस्त, क्यानडा । गैरआवासीय नेपाली संघको महिला संयोजकमा क्यानडाबाट प्रमिला बस्नेतले उम्मेदवारी घोषणा गरेकी छन् ।

आगामी अक्टोबर १३ देखि १६ सम्म काठमाण्डौंमा सम्पन्न हुने संघको नवौं विश्व सम्मेलनका लागि बस्नेतले २०१९-०२१ का लागि आइसीसी महिला संयोजक पदका लागि आफ्नो उम्मेदवारी घोषणा गरेकी हुन् ।

सन् २०१५ देखि २०१७ सम्म एनआरएनए क्यानडाको महिला संयोजक तथा हाल आइसिसि सदस्य रहेर संघमा सक्रिय भूमिका निर्वाह गरेकी बस्नेतले २०१९-०२१ का लागि आइसिसि महिला संयोजकमा आफ्नो उम्मेदवारी घोषणा गरेको बताएकी छन् ।

बस्नेतले सामाजिक क्षेत्रमा सक्रिय रहेर गरेको सेवा, अनुभव निष्ठाको आधारमा हालको परिस्थितिको माग अनुसार आफूले महिला संयोजकमा उम्मेदवारी दिएको घोषणा गर्दै विश्वभरीका एनआरएनए अभियन्ताहरुको सहयोग र साथ पाउनेमा विश्वस्त रहेको बताएकी छन् ।