Sansar News
६ अगस्त, पोर्चुगल । पोर्चुगलमा कार्यरत एक नेपाली युवाको उपचारका क्रममा मृत्यु भएको छ ।
स्वास्थ्यमा सामान्य समस्या आएपछि अस्पताल पुगेका सोलुखुम्बुका ३५ वर्षीय राम बहादुर बस्नेतको उपचारका क्रममा मृत्यु भएको हो ।
उनको पोर्चुगलस्थित सान्टियागो दि कासेई अस्पतालमा उपचारका क्रममा (१५ साउन) ३१ जुलाई मृत्यु भएको बताइएको छ ।
तीन महिना अघि मात्र पोर्चुगलको कृषि क्षेत्रमा काम गर्न पुगेका बस्नेत पोर्चुगलको पिसफुल प्लानेट कम्पनीबाट कृषि क्षेत्रमा काम गर्दै आएका थिए ।
एक्कासी रुपमा पेटमा समस्या आएको भन्दै अस्पताल पुगेका उनको उपचारकै क्रममा मृत्यु भएको बताइएको छ ।
एनआरएनए पोर्चुगलका अध्यक्ष कुवेर कार्कीले बस्नेतको शव नेपाल पठाइसकिएको संसारन्युजलाई जानकारी दिएका छन् ।
पोर्चुगलमै रहेका उनका काका भुपेन्द्र बस्नेतका अनुसार भोली साउन २२ गते विहान ६ :३० मा बस्नेतको शब आइपुग्ने र ८ :३० बजे उनको पशुपतिमै दाहसंस्कार गरिने छ ।
वि.सं.२०७६ साउन २१ मंगलवार १९:०६ मा प्रकाशित
