हामी सबैकाे संसारन्यूज

२७ साउन,काठमाडौं । सप्तरी ,बारा, र मोरङमा करेन्ट लागेर ३ जनाको मृत्यु भएको छ ।

सप्तरी, खड्क नगरपालिका- ७ कल्याणपुर बस्ने रुपनी गाउँपालिका ६ बीरेन्द्रबजार घर भएका राम दुलारी आले मगरको करेन्ट लागेर आइतबार दिउँसो मृत्यु भएको हो ।

पानी तान्ने मोटर चलाउने क्रममा केरेन्ट लागेर गम्भीर घाइते भएका उनको सप्तऋषि अस्पताल लहान सिरहामा उपचारको क्रममा मृत्यु भएको हो ।

यसैगरी बारा, जितपुर सिमरा उपमहानगरपालिका -७ मदरसा टोल बस्ने नुर महमद देवानको करेन्ट लागेर आइतबार साँझ मृत्यु भएको छ ।

आफ्नै घरमा मोटर चलाउने क्रममा करेन्ट लागेर घाइते भएका उनको उपचारको लागि बीरगंजतर्फ लैजाने क्रममा बाटोमै मृत्यु भएको हो ।

त्यस्तै मोरङ, ग्रामथान गाउँपालिका -७ नेताचौक बस्ने ३५ वर्षीय उमालाल पाचकोटीको करेन्ट लागेर आइतबार साँझ मृत्यु भएको छ ।

आफ्नै घरमा बिजुलीको तार जोड्ने क्रममा अचानक करेन्ट लागेर गम्भीर घाइते भएका उनको नोबेल अस्पताल बिराटनगरमा उपचारको क्रममा मृत्यु भएको हो ।

यस सम्बन्धमा स्थानीय प्रहरीले थप अनुसन्धान गरिरहेको बताइएको छ ।