१२ भदौ, सत्तारूढ दल समाजवादी पार्टीले सरकार छोड्ने ‘घुर्की’ देखाइरहेको छ ।
नेपाल कम्न्युनिष्ट पार्टी (नेकपा) अध्यक्षसमेत रहेका केपी शर्मा ओली नेतृत्वको सरकारमा सहभागी समाजवादीले ‘विगतको सहमति कार्यान्वयन नभएको’ भन्दै सरकार छोड्ने घुर्कीलाई निरन्तरता दिएको हो ।
उपप्रधान एवं स्वास्थ्य तथा जनसङ्ख्यामन्त्रीसमेत रहेका समाजवादी पार्टी अध्यक्ष उपेन्द्र यादवले सार्वजनिक कार्यक्रममै विगतको सहमति कार्यान्वयन नभएको भन्दै सरकार छोड्ने चेतावनी दिइरहेका छन् ।
तत्कालीन संघीय समाजवादी फोरम नेपाल १४ जेठ २०७५ मा दुई बुँदे सहमति गरेर सरकारमा सहभागी भएको थियो । तर, अहिलेसमम सहमति सम्बोधन हुन नसकेको उसले जनाएको छ ।
संविधान संशोधनलगायतका मुद्दा उठाउँदै आएको समाजवादीले सरकारमा सहभागी भएको एक वर्ष बढी समय बिते पनि न माग सम्बोन गराउन सकेको छ, न त सरकार नै छोडेको छ । यही कारण पार्टीको आलोचनासमेत भइरहेको छ । बिहीबारको राजधानी दैनिकबाट
वि.सं.२०७६ भदौ १२ बिहीवार ०७:५८ मा प्रकाशित
