हामी सबैकाे संसारन्यूज

२२ भाद्र, काठमाडौँ । अस्थायी ट्राफिक प्रहरी पोष्ट नेपालथोक दुम्जा सिन्धुलीमा कार्यरत प्रहरी सहायक निरीक्षक श्याम बहादुर माझी घुस सहीत पक्राउ परेका छन् ।

प्रहरी सहायक निरीक्षक माझीले काठमाडौँ बाट सिन्धुली हुँदै बाहिरिने सवारी साधनलाई ७ बजे भन्दा पछि केही समय ढिला भएमा सिन्धुलीतर्फ जान दिने भनी बाहाना बनाई सेवाग्राहीसँग घुस माग गरिरहेको भन्ने सूचना एवं उजुरीको आधारमा अख्तियार दुरुपयोग अनुसन्धान आयोगकोे टोलीले सेवाग्राहिसँग रू १० हजार लिइसकेको अवस्थामा रंगेहात नियन्त्रणमा लिएको थियो ।

निजलाई नियन्त्रणमा लिई अनुसन्धान भइरहेको अख्तियारले जनाएको छ ।