Sansar News
सुन सुन साथी हो म केही भन्छु
दशैको हालत तिमीलाई म कहन्छु ।
कमाने सबैलाई बोनसको आश छ
बस्तीवाला बिचरा छिन्न लागेको श्वास छ ।
दशै रमाइलो हुन्थ्यो बाबाको पालामा
पालो आयो आफ्नो हात छ गालामा ।
नानीहरु सबैले भन्छन् खोइ नयाँ नाना
कहाँबाट पुर्याउनु छ महंगाईको जमाना ।
गर्नैपर्छ बन्दोबस्त चिचि मामको पनि
टार्नैपर्छ पाहुना आउँछन् ठुलाबडा भनि ।
दिनुपर्यो आशिर्वाद दक्षिणाको साथमा
बेकारी समस्या छ छैन काम हातमा ।
बाबैले भन्थे दुवो झै मौलिनु केराझै गाँजिनु
व्यर्थै गाँजिएछु अब रहर भयो मासिनु ।
सुन सुन साथी हो म केही भन्छु
दशैको हालत तिमीलाई म कहन्छु ।
वि.सं.२०७६ भदौ २८ शनिवार १०:३७ मा प्रकाशित
