हामी सबैकाे संसारन्यूज

गैरआवासीय नेपाली संघ केन्द्रीय कार्यसमितिको निर्वाचनमा होमिइसकेको बेला एनआरएनए युके शाखाको निर्वाचनले सबैको ध्यान आर्किष्ट गरेको छ । एनआरएनए युकेको निर्वाचन शनिबार मतदान सम्पन्न भै मतगणना हुँदै गर्दा रोकिएको छ । यसले प्रवासी नेपालीहरुलाई दुखी बनाएको छ । यसैसन्दर्भलाई लिएर एनआरएनएका शुभचिन्तकहरुले अध्यक्षका उम्मेदवारहरुलाई अनुरोध गरेका छन् । निर्वाचन समितिले मत सुरक्षित रहेको र सहमतिपछि मतगणना सुरु हुने जानकारी दिइरहे पनि कहिलेबाट सुरु हुन्छ भन्ने कुराको जानकारी भने दिइएको छैन । एनआरएनए आईसीसी सदस्य शरद सिम्खडा र प्रकाश गुरुङले सामाजिक सञ्जालमा यसबारे लेखेका छन् :

आदरणिय शेरबहादुर सुनार ज्यू – पुनम गुरुङ्ग ज्यू,

कुरो सन २०१३ सेप्टेम्बर १५ कै हो ! म NRN UK को राष्ट्रिय संयोजक (हालको महासचिबको पद) र कुल जी अध्यक्ष हुनुहुन्थ्यो ! म मेरो बुवाको स्वास्थ उपचारको लागी नेपाल मै थिए । डाक्टरको सल्लाहनुसार जोखिमपूर्ण तर गर्नै पर्ने Cancer 3rd Stage को D2 अप्रेशन पश्चात भेन्टिलेटर मै अचेल हुनु हुन्थ्यो भने यता एन आर एन यूकेको पाचौं राष्ट्रिय अधिबेशन १५ सेप्टेम्बरमै थियो ! महेन्द्र कंडेल पक्ष र योगेन क्षेत्री पक्षमा सिंगो यूके बिभाजित थियो । यही समाजका उपज हामी आफै पनि धेरै नै बिभाजित थियौ । २-२ वटा निर्वाचन समिति, २ – २ ठाउंमा अधिबेशन, २-२ वटा कार्यसमितिको निर्माण । हामी ‘जग’ हसाई रहेका थियौ । १६ को बिहानै २ बजे अधिबेशन सकाई घर मात्रै के छिरेको थिए बैनी शारदाको फोन बज्यो रुंदै उनी भन्दै थिईन डाक्टरहरुले भनेको बुवाको अवस्था यसै भन्न सकिने छैन दाईलाई जति सक्दो छिट्टो टिकट लिई उड्नु भन्नु भएको छ मात्र के भन्न सकेकी थिईन उनको रुवाईको डांको वरीपरीका सबैले सुने। भाई र म सोही बिहान टिकट लिई उड्यौ । २ घण्टाको दिल्ली ट्रान्जिट मा रहंदा मेरा ज्वाई योगेन्द्र क्षेत्रीले खबर गर्नु भो – सिधै आर्यघाटमै जानु दाई – बुवा रहनु भएन !
अस्ती १६ को दिन निर्वाचन समितिले आई सी सी का साथीहरुसंग संक्षिप्त छलफल गर्दा यिनै कुराले मेरो गला अबरुद्ध भो । मैले यि सबै कुरा न भन्न सके न बाताबरण नै बन्यो । साथीहरु भन्दै थिए – तपाई अली ‘सेन्टीमेन्टल’ बन्नु भो ! नबनुम पनि कसरी – २००५ देखी हाल सम्म भ्यास सम्म यही संस्था हो जसलाई धेरै समय दिएको छु । यसैमा खटेको छु। हर कार्यक्रम नछुटाउने प्रयास गरेको छु । यही संस्थाले राष्ट्रिय-अन्तराष्ट्रियरुपमा पहिचान दिएको छ । थुप्रै राष्ट्रहरुमा असंख्य साथीहरु ‘कमाएको’ छु। मेरो ‘होलिडे’ भनेकै यही संस्थाको कार्यक्रमहरु हुन। अन्य कार्यक्रममा जानको लागी मैले २ पटक सोध्छु मेरी जिवनसंगिनीलाई । एन आर एन को कार्यक्रम भने पछि कतै कुनै सिकायत नगरी हालसम्म कतिपय म आफैले गर्नु पर्ने जिम्मेवारी समेत उनी आफै निभाउंदै पठाएकी छिन – यो संस्था पुन: २०१३ कै सेप्टम्बरमा फर्किंदा कस्को आंखाबाट आंसुको ढिक्का नखस्ला ?

२१औ सताब्दीमा र संसारकै लोकतन्त्रको नमूना मानिने देशमा छौ । आफ्नो अभिमत राख्यौ होला । मन परेकोलाई मतदान गर्यौ होला ! यो छुट सबैलाई छ तर आज मतदान भएको ६२ घण्टा भैसक्दा देश-बिदेश सबै तिरबाट यूके एन आर एन को मत परिणाम जान्न ब्यग्र मित्रहरुको फोन उठाई रहन सकेको छैन, बिभिन्न रुपमा आएका सन्देशहरु निरुत्तरित छन – एक ‘ईलाईट’ ‘लाटो’ बन्न बिबश छ।

तपाई दुईमा जो अध्यक्षमा निर्वाचित हुनुस – सम्पूर्ण शुभ-कामना छ। तर बिचार गर्नुस जुन ईज्यत र प्रतिष्ठा तपाईहरुले पाउंदै हुनुहुन्थ्यो त्यो नब्बेको ग्राफ ठ्याक्कै ५-७ मा झरेको छ। यदी तपाईहरु ‘सोसलमिडिया फलो’ गर्दै हुनुहन्छ भने थाहै होला के कस्तो आक्रोश, आबेग र नफ्रत छ एन आर एन प्रति । हामि यसरी बिजयी भएर तिनै मतदाता, यिनै समुदाय, यि नै ब्यक्तिबिषेश संग जानु पर्दा हामीलाई उहांहरुले फिस्सा हांसेर अध्यक्षज्यू त भन्नु होला तर मनले अर्कै बोलीरहेको हुनेछ । समय अझै पुरै घड्किसेको छैन – मात्र तपाई दुई (पुनमजी र शेर जी) बस्नुस – ठण्डा दिमागले सोच्नुस, तपाईहरुको यो त्याग र मेहनतको प्राप्ती के कति स्वच्छ र सर्बस्वीकार्य हुनेछ मनन गर्नुस, यो संस्थाको गरिमा र शाख राख्न सकिए अध्यक्ष त भोलीका दिनमा पनि हौला भन्ने सामान्य सानो कुरा मनको कुनै कुरामा राखी छलफल गर्नुस्, शुरुका दिनमा एन आर एन यूकेको कत्रो बैभव र प्रभाव राखेका थियौ – हाम्रै कारण हांसोको पात्र पनि बन्यौ – यो कटुसत्यलाई एक पटक संगैबसी सम्झनुस, यत्रो उत्साह र उमंगको साथ १०४०० मतदाताले गरेको मतको सम्मान के कसरी होला भनी मनन गर्नुस (होला कमिकमजोरी – यसको छुट्टै छलफल गर्दै गर्नुस) र एक परिपक्व निर्णयमा पुग्नुस – तपाईहरुको उचाई ह्वात्तै बढ्छ – घट्दैन । संसारले तपाई दुईलाई हेरी रहेका छन मित्रहरु !

हरी उं तत्सत ।

रामशरण सिमखडा
लण्डन