Sansar News
२ असोज, काठमाण्डौं । लोकसेवा आयोगले प्रशासन सेवा तर्फ ७० सहसचिव र १ सय ५६ उपसचिवको पदपुर्ति प्रक्रिया थाल्ने भएको छ । आयोगले असोजको अन्तिम बुधबार विज्ञापन आह्वान गर्ने निर्णय गरेको हो ।
आयोगले सहसचिवको परीक्षा मंसिरको अन्तिम साताबाट सुरु भएर पुस अन्तिम सातासम्म सम्पन्न हुनेगरी कार्यतालिका बनाएको छ ।
त्यस्तै, उपसचिवतर्फको पुस अन्तिम सातादेखि सुरु भएर माघ अन्तिम सातामा सम्पन्न हुन कार्यतालिकामा उल्लेख छ ।
सहसचिव र उपसचिवको पदपुर्ति प्रक्रिया सुरु भएसँगै शाखा अधिकृत पदको विज्ञापन गरिने लोकसेवा आयोगले जनाएको छ । बिहिबारको राजधानि दैनिकबाट ।
वि.सं.२०७६ असोज २ बिहीवार ०७:५९ मा प्रकाशित
