पशुपति जि. सि. (ओमान, मस्कट) । नेपालभन्दा वाहिर विश्वभर छरिएर रहेका नेपालीलाई विचार र सिद्धान्तका आधारमा एउटै साझा संयन्त्रमा आवद्ध गर्ने उदेश्यले सोहारमा १३ सदस्यीय प्रवासी नेपाली मञ्च ओमान सोहार क्षेत्रीय कमिटीको गठन भएको छ ।
नेपाली नागरिकका विचमा सामाजिक सदाचार, सद्भाव र सहयोगको विकास गर्नुका साथै नेपाली सुसंस्कार र सुसंस्कृतीको संरक्षण, सम्बद्र्धन र विकासका लागि निरन्तर क्रियासिल रहदै आएको ञप्रवासी नेपाली मञ्च, को ओमान स्थित संगठन प्रवासी नेपाली मञ्च ओमानले आफ्नो संगठन बिस्तार गर्ने क्रममा सो कमिटी गठन भएको हो ।
शुक्रवार सोहार क्षेत्रमा काम गर्ने प्रवासी नेपालीहरुको एक भेला आयोजना गरि उक्त कमिटीको गठन गरिएको हो । प्रवासी नेपाली मञ्च ओमान राष्ट्रिय कमिटिका अध्यक्ष गगन कार्कीको अध्यक्षतामा र महासचिब सोमकृष्ण श्रेष्ठको सञ्चालमा सम्पन्न उक्त भेलामा राष्ट्रिय कमिटि बाट बरिष्ठ उपाध्यक्ष लिलानाथ कोईराला, उपाध्यक्ष ,रामहरि गिरी, सदस्य एवं खेलकुद विभाग प्रमूख कमल गौतम र सदस्य भूपाल चौहानको उपस्थिति रहेको थियो ।
सोहारमा रहेका प्रवासी नेपालीहरूको उल्लेख्य उपस्थितिमा सञ्चालन भएको भेलाले झलक प्रसाद ढकालको अध्यक्षता १३ सदस्यीय पूर्ण कमिटीको चयन गरेको छ ।
जसको उपाध्यक्षमा शालिकराम सिग्देल(काभ्रेपलाञ्चोक), सचिबमा याम बहादुर क्षेत्री (बाग्लुङ), सह सचिबमा गणेश कुमार वि. क.(दाङ), कोषाध्यक्षमा ओम प्रसाद राणा(रूपन्देही) र सदस्यहरुमा रामधन राई(खोटाङ), प्रदीप चौधरी (सप्तरी),उमेश कुमार ठाकुर (सिराहा), महेन्द्र राणा (गुल्मी), शंकर दास (महोतरी), मोहन तमाङ् (खोटाङ), पुस्कर श्रेष्ठ (दोलखा) र पूर्ण बहादुर तमाङ (काभ्रेपलान्चोक) चयन भएका छन्
