हामी सबैकाे संसारन्यूज

३ असोज, काठमाडौ“ । लामो समय क्रान्तिकारी राजनीतिमा लागेका र पछिल्लो समय पर्यटन विज्ञको रुपमा स्थापित व्यक्तित्व ज्योति अधिकारीले संबिधानदिवसको शुभकामना दिंदै परीवार र नातागोतातन्त्रलाई मुर्दावाद भनेर आक्रोश ब्यक्त गरेका छन् ।

उनले संविधान र गणतन्त्र दिवसलाई संयोजन गरेर एकैदिन भव्यताका साथ घर र बस्तिहरुमा राष्ट्रवादको पहिचान जगाउने गरी मनाउन सुझाव समेत दिएका छन् । उनले अगाडि भनेका छन् ‘परिवार र नातागोतातन्त्र मुर्दावाद । गणतन्त्र जिन्दावाद । संधै राजनीतिमात्र गरेर बाँच्न खोज्नेहरु अन्ततः गणतन्त्रकै रस चुस्ने जुकाहरुमा परिणत हुन्छन् तसर्थ त्यस्तो प्रवृत्तिको पुनरावृति हुन नदिउँ’ । उनले विकास बाँड्ने को हैन विकास गर्नेको हातमा देश रहन सकोस् भन्दै हिमाली गणतन्त्र गरेर खानेको हुन सकोस् भन्ने इच्छा ब्यक्त गरेका छन् ।

संघीयताको वर्तमान संरचना पुनरावलोकन गर्न अनुरोध गर्दै उनले भनेका छन् ‘७ प्रदेश हैन ३ प्रदेश भए पुग्दछ देशलाई । ‘पूर्वी प्रदेश’, ‘पश्चिम प्रदेश’ र ‘केन्द्र शासित मध्य प्रदेश’ । ३०० भन्दा बढि प्रशासनिक निकाय हाम्रो जस्तो देशलाई बोझ हो । यसलाई सम्बोधन गर्न सायद नयाँ पुस्ता तात्नै पर्दछ ।’

उनले वस्ति विकास र उत्पादनमा जोड दिँदै भनेका छन् ‘तल परेका या पारिएका, हेपिएका र चेपिएकाहरुको बेग्लै बस्ति र सहरहरुको पुनर्वास गरौं । थोत्रा जातभातको कुरामा नअल्झ्किन स्वाभिमानि विकल्पका पाईला चालौं । कम्तिमा आउने ३ वर्ष भित्र खाध्यान्न तथा फलफूल र तरकारी तथा सबै पेय पदार्थहरुको आयात र निर्यातको अवस्था बराबरी हुन सक्ने गरि योजना र काम अगाडि बढाऔँ ।’

नयाँ मण्डले, लुटेरा, अल्छि र भुषतिघ्रे दलालहरुको घेराबाट उम्काएर गणतन्त्रलाइ जन जनमा पु¥याउन समेत उनले अनुरोध गरेका छन् ।