हामी सबैकाे संसारन्यूज

५ असोज, काठमाण्डौं । अभिनेता दीपकराज गिरीले विदेशी चलचित्र विरुद्ध अनशन बस्ने बताएका छन् । आफ्नै मुलुकमा नेपाली चलचित्र दोस्रो दर्जाको नागरिक जस्तो भएर चलाउनु परेको भन्दै उनले आक्रोश पोखेका छन् ।

दीपकको भनाईमा नेपालमा विदेशी सिनेमाको प्रभाव सुनियोजित रुपमा बढाउने क्रम मौलाएको छ । प्रत्येक साता दुई वटा नेपाली चलचित्र रिलिज हुने गर्छ । जसको सातामा चारवटा सम्म भारतीय तथा हलिउड फिल्म यहाँ रिलिज गरिएपछि नेपालमा विदेशी फिल्मको प्रभाव विस्तारै बढ्न थालेको भन्दैअभिनेता दीपकराज गिरी आक्रोशित भएको आइतबारको राजधानी दैनिकमा समाचार छ ।

आफ्नो चलचित्र ‘छ माया छपक्कै’ को ट्रेलर रिलिज समारोहमा अभियनेता गिरीले आक्रोश पोखेका हुन् । ‘मेडिकल क्षेत्रको मनपरीतन्त्र र भ्रष्टाचारविरुद्ध निरन्तर गोविन्द केसीले अनशन बस्ने गरेका छन् । विदेशी चलचित्रको यो ठाडो हस्तक्षेपिविरुद्ध भोलीका दिनमा एक्लै अनशनमा बस्न सक्छु, ‘दीपकले भने, ‘यदि अब बन्ने चलचित्र ऐनले विदेशी चलचित्रमाथि नेपाल प्रदर्शनमा कडाइ गरेन भने म पक्कै अनशनमा उत्रनेछु । ’