हामी सबैकाे संसारन्यूज

गैरआवासीय नेपाली संघ (एनआरएनए) को एशिया प्यासेफिक संयोजकमा जापानबाट ओम गुरुङले उम्मेदवारी दिएका छन् ।

संघको आगामी अक्टोबर १५ देखि १७ मा सम्पन्न हुने नवौं सम्मेलनमा २०१९–२०२१ का लागि गुरुङले एशिया प्यासेफिक संयोजक पदमा उम्मेदवारी दिएका हुन् ।

पर्वतको फलेवास नगरपालिका ८ ठानामौलामा जन्मिएका गुरुङको बसोबास हाल चितवनमा रहेको छ ।

जापानमा व्यवसाय गर्दै आएका गुरुङ लामो समयदेखि एनआरएनए अभियानमा सक्रिय रहँदै आएका व्यक्तित्व हुन् ।

एनआरएनए जापानको उपाध्यक्ष तथा तीनपटक आइसिसिमा रहेर एनआरएनएमा सक्रिय भूमिका खेल्दै आएका गुरुङ जापानमा सफल रेष्टुरेण्ट व्यवसायी मानिन्छन् ।

एनआरएनएको ‘नेपालीका लागि नेपाली’ भन्ने मर्मलाई आत्मासाथ गर्दै अगाडि बढेका गुरुङले आफ्नो लगनशीलता र काम प्रतिको जिम्मेवारीलाई मूल्यांकन गर्दै साथीहरुले मत दिएर आफूलाई विजयी बनाउनेमा ढुक्क रहेको संसारन्युजसँग बताए ।