हामी सबैकाे संसारन्यूज

नायक दयाहाङ राइले नेपाली फिल्ममा नयाँ कथावस्तु दिन नसकेको बताएका छन् ।

लुट फिल्मको समयमा आफू कलाकारको रुपमा स्थापित रहेको बताएका दयाहाङले त्यहि समयमा फिल्मको कथा पनि हेर्नुपर्छ भन्ने आफूमा चेतना आएको बताउँछन् । ‘

‘लुट’, ‘कबड्डी’ जस्ता फिल्म समाजमा आएको त्यहि चेतनालाई ध्यानमा राखेर बनाइएका थिए । हामी यस क्षेत्रममा आउनुअघि सम्म दर्शकको मन मष्तिस्कमा फिल्मको मुख्य पात्रबारे एउटा ‘इमेज’ थियो । हामीलाई भने त्यसभन्दा फरक काम गर्नु नै थियो । स्वतन्त्र सोचबाट आएको कथा र पात्रलाई आमदर्शकमा पुर्यायौं । दर्शकले तिनलाई आफू र आफ्नै कथाको रुपमा ग्रहण गरिदिनु भयो ।’

तर, त्यपछि जति कोशिष गर्नुपथ्र्यो, त्यति गरिरहेको महसुस नभएको उनले बुधबारको नयाँपत्रिकासँग बताएका छन् । ‘लुट हिट भएयता त्यस्तै कथावस्तुका धेरै फिल्म बने होलान् । तर, त्यसभन्दा फरक कथावस्तु हामीले दिन सकेको खोइ त ? हाम्रा कथा त्यत्तिमै सिमित त छैनन् होला । त्यसैले हो, मैले ‘करोड क्लव’ लाई अफवाह भनेको । कुनै फिल्मले करोड कमायो भने हामीले पनि त सक्छौं नि भन्ने अन्य निर्माता र निर्देशकलाई लाग्न सक्छ । तर, त फिल्मले आफ्ना कथा र पात्रलाई स्थापित गरेक कि गरेनन् भन्ने महत्वपूर्ण कुरा हो ।’