पर्वत जिल्ला समाज यूकेको अध्यक्षमा दधि आचार्य चयन भएका छन । समाजको २६ नोभेम्बरका दिन अल्डरशटमा सम्पन्न पांचौ अधिवेशनले आचार्यलाई अध्यक्षमा सर्वसम्मत गर्दै ११ सदस्सीय कार्यसमितिको चयन गरेको हो ।
जसको उपाध्यक्षमा एक बहादुर पुन, संजिव गुरुङ,महासचिवमा भरत पौडेल, सचिवमा बिनोद पुरी र कोषाध्यक्षमा नेत्र आलेमगर रहेका छन् भने सदस्यहरुमा गम बहादुर गर्बुजा, भिम पुर्जा, अंग गर्बुजा, मेख तिलिजा, गंगा खोर्जा, बासुदेब पौडेल चयन रहेका छन । साथै बांकी सदस्यहरुको टुंग्गो पदाधिकारी बैठकले लगाउने बताइएको छ ।
अध्यक्ष नरजङ गुरुङ र संस्थापक हितकाज काजी गुरुङद्धारा संयुक्तरुपमा उद्घाटन गरिएको उक्त अधिवेशनमा गैरआवासीय नेपाली सँघका यूरोप सँयोजक कुल आचार्य, संस्थापक अध्यक्ष हितकाजी गुरुङ, पुरन गिरी,निर्वाचन समितिका संयोजक मान बहादुर गुरुङ, रस बहादुर गुरुङ, नारायणकोने गुरुङ, तमुधिं यूकेका अध्यक्ष ज्ञाम गुरुङ लगायतले शुमकामना मन्तब्य दिएका थिए । सचिव हरि गुरुङले सँचालन गरेको उद्धघाटनसत्रमा उपाध्यक्ष दधि आचार्यले स्वागत मन्तब्य दिए ।
अधिवेशनले कोषाध्यक्ष दिपक जोशी र अध्यक्ष नरजंग गुरुङद्धारा प्रस्तुत आर्थिक तथा वार्षिक प्रतिवेदनलाई सर्वसम्मतले अनुमोदन गरेको छ । सोही अवसरमा तुमधीं यूकेका नवनिर्वाचित अध्यक्ष ज्ञाम गुरुङ, उपाध्यक्ष हितकाजी गुरुङ लगायत पर्वत जिल्लाबाट तमुधीं यूकेमा प्रतिनिधत्व गर्ने सदस्यहरुलाई सम्मान गरिएको थियो ।
