Sansar News
२४ कार्तिक । भारतले हालै जारी गरेको नयाँ नक्सामा कालापानी, लिपुलेक र लिम्पयाधुरा आफ्नो नक्सामा समेटेको बारे प्रधानमन्त्री केपी शर्मा ओलीले बोलाएको सर्वपक्षीय बैठकमा सहभागी नेता तथा विज्ञहरुले तत्काल भारतसँग सम्वाद गर्न सुझाव दिएका छन् ।
सरकारले जारी गरेको वक्तव्य सकरात्मक भए पनि वक्तव्य जारी गरेर मात्र नपुग्ने भन्दै तत्काल भारतसँग सम्वाद गर्न सुझाएका हुन । भारतले समेटेको नेपाली भूभाग नेपालको हो भन्नेमा कुनै विवाद नभएको सहभागीहरुले एकमत राखेका विचार थिए ।
भारतले हालै जारी गरेको नक्सामा कालापानी, लिपुलेक र लिम्पयाधुरालाई आफ्नो भूभागमा समेटेपछि त्यसको नेपालमा चर्को विरोध भइरहेको छ । ‘गो ब्याक इण्डिया’का रुपमा भारतीय नीति विरुद्ध जनमत बढीरहेको छ ।
तर भारतले आफ्नो भूभागलाई समेटेर नक्सा जारी गरेको स्पष्टीकरण दिएपछि प्रधानमन्त्रीले सार्वपक्षीय बैठक बोलाएका हुन् ।
वि.सं.२०७६ कात्तिक २३ शनिवार २०:२२ मा प्रकाशित
